Kreu i Xbox, Phil Spencer është i qartë për rëndësinë e gaming gjatë pandemisë së coronavirus. Në një mesazh për komunitetin, ai i risiguroi fansat se kompania po punon fort që të përballet me shtimin e kërkesave në këtë periudhë vetë-izolimi.
“Besoj se gaming ka një fuqi unike për të sjellë njerëzit së bashku, për t’i argëtuar, frymëzuar dhe për të na lidhur më afër me njëri-tjetrin dhe besoj se kjo është edhe më e vërtetë në këto rrethana që ndodhemi tani,” tha Spencer.
Gaming ka patur një rritje masive që kur filloi kriza e coronavirus, me njerëzit që i janë kthyer telefonave, konsolave dhe kompjuterave të tyre për të shtyrë kohën. Vetëm në US gaming është rritur me 75%.
“Shumë njerëz po kthejnë sytë nga gaming që të ruajnë kontaktet me miqtë e tyre dhe ne jemi duke parë një rritje të madhe të kërkesës pë gaming nga klientët tanë tani. E kuptojmë rëndësinë e rolit të gaming në këto momente dhe skuadrat tona janë duke punuar me kujdes që të sigurohemi që ne mund të vazhdojmë të jemi aty për ju.”
Shërbime si Netflix dhe YouTube kanë patur një përqasje të kundërt me këtë situatë, duke ulur cilësinë e transmetimeve të tyre për të lehtësuar ngarkesën e internetit gjatë kësaj kohe. Sidoqoftë Microsoft mbetet i vendosur në të tijën.