Gushti ishte muaji më i madh i Fortnite-it deri më sot me Epic duke deklaruar se numri i lojtarëve të Battle Royale ishte 78.3 milionë. Është një numër i habitshëm, megjithatë, ai mezi prek numrin e lojtarëve të Minecraft i cili, sipas Microsoft, aktualisht ka 91 milionë lojtarë aktivë mujorë. Sipas llogaritjeve i bie të jetë një ndryshim prej 13 milionë lojtarësh.
Numrat mujorë të lojtarëve të Fortnite nuk janë statistikat e vetme që kanë goditur miliona. Shkarkimet totale të lojës po arrijnë vlerën 125 milionë, por përsëri, Minecraft ka arritur të ruajë popullaritetin e saj të fortë me mbi 150 milionë kopje të shitura. Me Fortnite që është lëshuar në vitin 2017 dhe Minecraft në vitin 2009, kjo e fundit ka një avantazh prej gati dhjetë vjetësh, por nuk ka asnjë shenjë se ato numra po bien kundrejt viteve.
Me suksesin e Minecraft-it dhe databazën e fortë të lojtarëve që ka, nuk ka pasur shumë diskutime rreth Microsoft-it që po krijon Minecraft 2. Helen Chiang, kreu i Minecraft në Microsoft, kohët e fundit tha në një intervistë me Business Insider Australia se një vazhdim mund të thyejë komunitetin dhe bazën e të lojtarëve.
“Ne jemi duke u përpjekur ta mbajmë komunitetin tonë së bashku,” thotë Chiang. “Kjo është arsyeja pse përditësimet tona janë ‘free’. Ne nuk duam t’i kërkojmë lojtarëve të lëvizin nga ‘Minecraft 1’ në ‘Minecraft 2’. Ne thjesht duam që ata të gëzojnë ‘Minecraft.
“Ka mënyra të tjera që ne mund të zgjerohemi, që janë më domethënëse dhe autentike për atë që duam të bëjmë, sesa thjesht lëshimi i një tjetër përsëritje në të njëjtën mënyrë që shumica e ekskluziviteteve të tjera bëjnë”.
Fortnite Season 6 i lëshuar së fundi dhe do të vazhdojë të rrisë numrin e lojtarëve, por do të kalojë kohë para se të arrijë lartësitë e Minecraft. Ne do të kontrollojmë përsëri si do të jetë situata në vitin 2026.