Minecraft Earth po mbyllet si lojë në Qershor

Mojang tha se loja është ndërtuar për ‘lëvizje dhe lojë bashkëpunuese’, diçka që pandemia e COVID-19 e ka bërë të pamundur

Microsoft po mbyll lojën e saj mobile Minecraft Earth në qershor, për shkak të pandemisë së vazhdueshme. Loja ambicioze kishte për qëllim të rivalizonte Pokémon Go dhe të mbulonte botën në blloqe virtuale që lojtarët të takoheshin dhe të luanin së bashku.

“Minecraft Earth u krijua rreth lëvizjes së lirë dhe lojës së përbashkët – dy gjëra që janë bërë gati të pamundura në situatën aktuale globale”, thotë ekipi i Minecraft. “Si rezultat, ne kemi marrë vendimin e vështirë për të vendosur burimet tona në zona të tjera që ofrojnë vlerë për komunitetin Minecraft dhe për t’i dhënë fund suportit për Minecraft Earth në qershor 2021.”

Build-i përfundimtar i lojës po publikohet sot, gjë që zvogëlon kohën që duhet për t’u futur në lojë dhe koston e materialeve të caktuara. Ajo është krijuar për të lejuar lojtarët të punojnë dhe të luajnë më lehtë dhe më sigurt në shtëpi në muajt e ardhshëm para se loja të çaktivizohet në 30 qershor.

Lojtarët nuk do të jenë më në gjendje të shkarkojnë ose luajnë Minecraft Earth pas 30 qershorit dhe Microsoft po fshin të dhënat e lojtarëve më 1 korrik.