Është hera e parë që ky engine përdoret në Minecraft
Është hera e parë që ky engine përdoret në Minecraft
Minecraft: Dungeons është zhvilluar me një engine tjetër nga shumica e lojërave të kësaj serie. Në një intervistë me zhvilluesin Mojang në E3 2019, drejtori kreativ Mans Olsen konfirmoi se loja e ardhshme RPG e Minecraft përdor Unreal Engine.
Loja origjinale për PC u zhvillua në Java, por ardhja e Minecraft: Pocket Edition detyroi Mojang të sillte Bedrock Engine. Ky engine më vonë erdhi dhe në platformat jo-mobile, siç ishte versioni për Windows 10 i lojës, versionet për Apple dhe Fire TV, si dhe versioni i Gear VR. Të gjitha këto thjesht quhen Minecraft, pa ndonjë ndryshim për sa i përket versioneve individuale.
Nuk është çudi fakti që Dungeons do të jetë pak më ndryshe se versionet tradicionale të Minecraft. Ndër të tjera, loja nuk merr shumë nga versioni origjinal i Minecraft, por më shumë nga të tjera lojëra klasike në PC.
Sipas Olsen, lojëra si Diablo, Torchlight dhe Left 4 Dead kanë shërbyer si inspirim për Minecraft: Dungeons. Këto lojëra kanë shumë pak ngjashmëri me Minecraft-in origjinal, gjë që me shumë mundësi ka çuar në përdorimin e një engine të ri.
Ende nuk ka një datë të saktë lançimi, por mund të presim më shumë informacion gjatë muajve të ardhshëm. Më poshtë mund të shikoni trailer-in e lojës: