Minecraft Dungeons tashmë është lançuar dhe si me shumicën e gjërave, është më mirë po ta luani me miq. Për momentin ju jeni të limituar që ta luani me miq në të njejtën platformë si ju, por kjo gjë mund të ndryshojë në të ardhmen, pasi Mojang Studios thotë se është duke punuar për të sjellë cross-platform play.
Minecraft Dungeons është e disponueshme në PC, Xbox One, PlayStation 4 dhe Nintendo Switch, por në lançimin e saj loja online co-op ka mbetur e limituar në të luajturin me të tjerë vetëm brenda platformave të njejta. Pure Xbox ka postuar një pasazh në FAQ zyrtare që sugjeron se cross-platform play do të vijë së shpejti.
Për momentin, website-i thotë se do të duhet të blini kopje në sisteme të njejta (ose të përdorni Xbox Game Pass) për të luajtur bashkë.
Ideja e cross-platform në Minecraft Dungeons është një lajm i mirë, por postimi i Mojang nuk e specifikon nëse kjo do të jetë e vlefshme për të gjithë platformat, apo vetëm për një pjesë të zgjedhur të tyre.
Skenari më i zakontë është që të jetë cross-play mes Xbox One-PC, mbi të gjitha sepse Minecraft Dungeons është tashmë e përfshirë në Xbox Game Pass për PC. Prapëseprapë nuk mund ta dimë kurrë me siguri derisa Mojang Studios të na japë fjalën e saj zyrtare.