Tashmë mund të luani me miqtë tuaj në çdo platformë
Tashmë mund të luani me miqtë tuaj në çdo platformë
Lojtarët e Minecraft në PlayStation 4 më në fund do të kenë mundësinë të luajnë me miqtë e tyre në platforma të tjera si PC, Xbox One dhe mobile duke nisur nga data 10 dhjetor. Mojang do të sjellë një update në versionin për PS4 të lojës duke e çuar atë në Bedrock Version, gjë që lejon cross-play midis të gjitha platformave të Minecraft.
Ky update i Minecraft në PlayStation 4 gjithashtu do të sjellë Minecraft Marketplace në PS4. Nuk duhet të paguani asgjë për update-in në Bedrock dhe ata që blejnë Minecraft tani do të kenë menjëherë akses në cross-play.
Lojtarët në të gjitha platformat duhet të jenë në update 1.14 për të shfrytëzuar cross-play. Update ka kohë që pritet nga lojtarët e PlayStation 4, pasi lojtarët në Xbox One, Switch, PC dhe mobile kanë luajtur së bashku për rreth një vit e gjysmë.
Cross-play vjen në Minecraft në PS4 pasi Sony lehtësoi kufizimet e tyre për cross-play në vitin e kaluar. Kjo i dha mundësi zhvilluesëve të lejonin cross-play në disa platforma, përfshirë këtu Fortnite, Rocket League, Call of Duty: Modern Warfare dhe PUBG.