Mojang ka ardhur gjithashtu me një emër të ri
Mojang ka ardhur gjithashtu me një emër të ri
Minecraft është loja më e shitur ndonjëherë në histori dhe ajo po vazhdon të thyejë edhe më shumë rekorde. Kanë kaluar 11 vite që prej lançimit të lojës në alpha dhe Mojang po e feston këtë gjë duke zbuluar disa statistika mjaft impresionuese. Për shëmbull, Minecraft ka arritur të shesë deri më tani mbi 200 milionë kopje, ndërkohë që loja ka 126 milionë lojtarë çdo muaj. Gjatë pandemisë, loja pati një rritje me 25% të lojtarëve të rinj dhe 40% në multiplayer.
Microsoft e bleu Minecraft rreth 6 vite më parë për $2.5 miliardë. Që prej asaj kohe, Mojang e ka sjellë lojën në shumë platforma të reja dhe ka sjellë vazhdimisht më shumë updates.
Tashmë, Mojang gjithshtu njoftoi se kanë ndryshuar emrin e tyre në Mojang Studios dhe kanë ndryshuar gjithashtu edhe logon e tyre për të festuar 11-vjetorin e Minecraft. Duke parë trailer-in më poshtë, duket se Mojang Studios po punon për dy lojëra të reja. Ju mund të lexoni më shumë për këtë ndryshim në website-in e Minecraft.