Milani & Interi do të luajnë ekskluzivisht në FIFA 21

Disa javë më parë ju informuam se Pro Evolution humbi licencat për AC Milan dhe Inter Milan dhe kështu do të detyrohet të ketë skuadrat me emra dhe paraqitje alternative. Siç ishte e lehtë për tu hamendur, EA sapo njoftoi se dy skuadrat legjendare italiane tani i përkasin listës së klubeve partnere të FIFA 21.

EA Sports nënshkroi marrëveshje shumë-vjeçare me të dyja ekipet. Sigurisht, fakti që ekipi zhvillues po punon zyrtarisht me të dy skuadrat ka disa implikime shumë pozitive për ata që preferojnë FIFA-në për ndeshjet e tyre të futbollit. Në veçanti, fushat e të dy skuadrave do të përmirësohen për të përmbushur sa më shumë realitetin. Në mënyrë të ngjashme, modelet 3D për lojtarët e të dy klubeve do të marrin një trajtim të ngjashëm.

Më poshtë mund të shihni dy videot që shoqëruan njoftimin.

Më në fund, duhet të theksohet se jo të gjitha lajmet janë pozitive për fansat e FIFA-s, pasi loja fitoi dy ekipe të reja dhe humbi një tjetër. AS Roma nuk bashkëpunon më zyrtarisht me EA. Kjo do të thotë që nëse doni të luani me ekipin në FIFA 21 duhet të bëni kompromis me Roma FC.

FIFA 21 do të debutojë në Nintendo Switch, PC, PS4 dhe Xbox One më 6 tetor. Versioni next-gen i lojës është gjithashtu në zhvillim dhe do të dalë në treg me PS5 dhe Xbox Series X.