Do të jetë personazhi i Jane Foster (Natalie Portman), ajo që do të ngrejë Mjolnir në Thor: Love and Thunder.
Do të jetë personazhi i Jane Foster (Natalie Portman), ajo që do të ngrejë Mjolnir në Thor: Love and Thunder.
Le ti themi lamtumirën Thor pasi një superheroinë e re ka ardhur për ti zënë vendin. Gjatë panelit të Marvel në San Diego Comic-Con, përjetuam rikthimin e Natalie Portman në MCU dhe ishte një nga momentet më shokuese dhe fantastike të të gjithë eventit.
Portman do të bëjë rikthimin në Thor: Love and Thunder dhe do të jetë ajo që do e ngrejë Mjolnir, pasi Thor nuk do të jetë më i denjë për të. Filmi do të jetë nën regjinë e të njejtit regjizor që ka bërë dhe Thor: Ragnarok, Taika Waititi. Ky i fundit ka zbuluar dhe emrin që do të ketë personazhi i Portman. Në filmin Thor: Love and Thunder, ajo do të quhet Mighty Thor.
Correction. She's called Mighty Thor.
— Taika Waititi (@TaikaWaititi) 21 July 2019
Ky emërtim vjen nga comics dhe të gjithë ata që janë fansa dhe mund ti kenë lexuar, me shumë mundësi janë të njohur me emrin Mighty Thor. Në një nga pjesët e comics-ave, Jane Foster bëhet Mighty Thor, pasi Mjolnir nuk e shikon më Thor si të denjë për të.
Nuk e dimë tamam se si do të sillet kjo tek filmat. Për momentin Mjolnir ende nuk dihet ku është, pasi Captain America e hodhi prapë në Asgard në fund të Avengers: Endgame. Gjithsesi mendojmë se faza e 4 do i sqarojë vetë këto pikëpyetje rrugës.
Jo vetëm që kemi një Thor të ri në lojë, por kemi edhe shuarjen e shpresave për aventurën e Asguardians of the Galaxy. James Gunn ka konfirmuar se eventet e Thor: Love and Thunder do të jenë përpara filmit të Guardians of the Galaxy 3.
Sado që filmat e Guardians of the Galaxy zakonisht përshtaten kollaj në kronologjinë e Marvel, ata që po prisnin një udhëtim hapësinor të Thorit dhe Guardians pas filmit të Endgame u zhgënjyen pak pas konfirmimit të Gunn. Gjithsesi tani kemi Mighty Thor dhe për mua kjo mjafton… deri diku.