Plani i Microsoft duket se funksionoi
Plani i Microsoft duket se funksionoi
Microsoft iu desh të paguante mbi $50 milionë për të bindur Ninja për të bërë stream ekskluzivisht në Mixer, sipas disa raporteve të nxjerra. Kontrata $50 milionë kundërshton kontratën e mëprarshme prej $100 milionë që diskutohej të ishte shuma e rënë dakort ndërmjet Ninja dhe Microsoft. Megjithatë, as këto numra nuk janë plotësisht zyrtarë.
A little more! pic.twitter.com/SMQEygjNiE
— Ninja (@Ninja) August 1, 2019
Tyler “Ninja” Blevins, i njohur si një prej streamer-ave më popullorë të Twitch, ka vendosur të shkojë në një platformë tjetër. Ninja lajmëroi ditën e djeshme se do të lërë Twitch për të bërë stream ekskluzivisht në platformën e streaming të Microsoft, Mixer.
Për ata që nuk e dinë, llogaria e Ninja-s është më e ndjekura në Twitch. Duke pasur këtë parasysh, ndryshimi i platformave është padyshim një lëvizje e madhe për Ninja, por e cila bën sens në fund të ditës duke patur parasysh faktin se u pagua $50 milionë nga Microsoft.
Why did Microsoft pay ~$50 million+ to get Ninja on Mixer? This isn't about selling Xbox consoles. It's a platform play for xCloud, and Microsoft needs as many entry points to it as possible. Google has YouTube + Stadia and Amazon has Twitch. Microsoft has Xbox + Mixer + xCloud
— Tom Warren (@tomwarren) August 2, 2019
Gjithashtu, duket se Ninja nuk është punësuar nga Microsoft vetëm për të promovuar Mixer. Duket se lëvizja e Ninja në Mixer do të ketë gjithashtu lidhje me Project xCloud, i cili do t’i lejojë lojtarët të luajnë lojra direkt nga livestream-et. Ka kuptim që shumë njerëz do të ndjekin Ninja duke luajtur lojëra në Mixer dhe kjo do t’i lejojë ata të futen menjëherë në lojë nëpërmjet Project xCloud.
Shkurtimisht, Microsoft ka investuar tek Ninja për një të ardhme më të mirë si për Mixer, ashtu dhe për Project xCloud. Plani duket se ka nisur të funksionojë që tani.
Shkarkimet e Mixer në iOS duket se janë dyfishuar që prej deklaratës së Ninja ditën e djeshme. Aplikacioni i Mixer ndodhet tashmë në vend të tretë në App Store. Duke përjashtuar lojërat, Mixer ndodhet në vend të parë. Përpara lajmërimit të Ninja, Mixer në App Store ndodhej në vend të 747. Në anën tjetër, Mixer është gjithashtu aplikacioni i 12 më popullor në Google Play Store.
E ardhmja duket e ndritur për Microsoft. Stream-i i parë i Ninja-s tashmë ka përfunduar dhe ai arriti të kishte më shumë shikues sesa mesatarja e tij në Twitch.