Microsoft do të mbajë një konferencë dixhitale të E3

E3 është anulluar nga shqetësimet në rritje për coronavirus. ESA tha se do të eksploronte në mundësitë për të zhvilluar disa nga konferencat e eventit online dhe duket se Microsoft tashmë e ka konfirmuar se do të vazhdojë me planet e tij për prezanimin e E3, por në mënyrë dixhitale.

“E3 ka qenë gjithmonë një moment shumë i rëndësishëm për Team Xbox,” u shpreh Phil Spencer në Twitter. “Duke marrë parasysh si ecën gjërat, këtë vit do ta celebrojmë gjeneratën e ardhshme të gaming përmes një eventi dixhital të Xbox. Detajet për të do të vijnë javën e ardhshme.”

Brandi i Xbox ka shumë gjëra për të treguar këtë vit, duke filluar që nga Xbox Series X e deri në njoftime të fokusuara në shërbimin e xCloud si data e lançimit të Halo Infinite. Nuk është shumë e qartë se si futen planet e reja të Xbox në “eksplorimin e mundësisë së një eventi online” të ESA, por për shumicën e njerëzve që nuk mund të ishin prezent fizikisht në E3, eventi ka qenë gjithmonë thjesht një transmetim dixhital.

Edhe pse E3 2020 është praktikisht e vdekur, lojërat që do të prezantoheshin në E3 2020 do të vazhdojnë. Gjithsesi E3 ka shërbyer gjithmonë si një burim i madh të ardhurash për ESA dhe ka qenë një mundësi e shkëlqyer që zhvilluesit të bënin njoftime. Ka mundësi që impakti i anullimit të E3 këtë vit të jetë goxha i konsiderueshëm.