Microsoft Flight Simulator do të vijë edhe në Steam

Thuhej se Microsoft nuk do ta sillte lojën në platformën e Valve

Microsoft konfirmoi se Flight Simulator do të vijë në Steam që nga dita e lançimit. Ata kishin refuzuar më parë të komentonin rreth ardhjes së lojës në platformën e Valve, por më në fund erdhi konfirmimi se lojtarët mund ta marrin lojën në Steam duke nisur nga 18 gushti.

Drejtuesi i Microsoft Flight Simulator, Jorg Neumann, njoftoi se loja do të vijë në Windows 10 dhe Xbox Game Pass për PC, por gjithashtu edhe në Steam për të treja versionet. Ai gjithashtu konfirmoi se loja do të suportojë head tracking software kur të lançohet, ndërkohë që gjithashtu do të mund të luhet edhe me VR headset pak më vonë gjatë këtij viti.

Konfirmimi që Microsoft Flight Simulator do të vijë në Steam padyshim që do të gëzojë shumë ata që janë mbështetës të platformës së Valve, sidomos kur merr parasysh se vetë zhvilluesit thanë se qëlimi i tyre është ta sjellin Microsoft Flight Simulator në çdo platformë që kanë mundësi.