Microsoft ka njoftuar se nuk do të suportojë më Internet Explorer 11, duke filluar nga data 17 gusht 2021. Gjatë kësaj kohe të gjitha produktet e Microsoft që mund të përdorin ende momentalisht Internet Explorer, si: Outlook, OneDrive ose Office 365 do të ndalojnë së suportuari browser-in.
Suporti për Internet Explorer brenda Microsoft Teams web app përfundon në 30 nëntor të këtij viti. Ndërkohë, versioni legacy i Microsoft Edge do të përfundojë në 9 mars 2021.
Që në lançimin e tij në korrik të 2015s për PC, Microsoft Edge është mbajtur gjithmonë si një alternative e mirë në krahasim me Internet Explorer, por duke marrë parasysh se si përdoruesit privatë tashmë kanë patur me vite një alternativë për Internet Explorer, jo shumë veta po e përdornin dhe kjo jo domosdoshmërisht sepse përdor Blink si engine.
Epo, nuk mund të themi se çuditemi shumë nga ky lajm, por mund të themi me bindje se do e kujtojmë për një kohë të gjatë emrin e Internet Explorer.