Metro Exodus është në Xbox Game Pass për PC

Dikur si një ekskluzive e Epic Store

Metro Exodus supozohej të ishte një ekskluzive e Epic Store deri sa të lançohej në Steam në shkurt të 2020s, por këtë javë loja u shfaq në Windows Store me datën e sotme si ditë lançimi. Tani loja do të përfshihet edhe në Xbox Game Pass-in e ri për PC, që iu mundëson lojtarëve të PC akses në një librari prej mbi 100 lojërash për $5 në muaj.

Faqja në Windows Store e Metro Exodus thotë se loja “përfshihet në lojërat e Xbox Game Pass PC.” Lojëra të tjera që ndajnë të njejtin fat janë: Slay the Spire dhe Into The Breach. Kjo sugjeron që Microsoft po e përmirëson gjithmonë e më shumë lineup-in e tij.

Detajet mbi çmimin e këtij shërbimi u publikuan sot. Muajin tuaj të parë mund ta merrni për $1. Një beta është në prag të lançimit. Microsoft do të zbulojë më shumë detaje më vonë.