Merrni këtë javë, luajini kur të doni!
Merrni këtë javë, luajini kur të doni!
Ndërkohë që javës së festës për Batman i vjen fundi, Epic Games Store sjell Everything dhe Metro 2033 Redux falas për t’u marrë këtë javë.
Everything është një loj simulation e zhvilluar nga David O’Reilly, që disa prej jush mund ta njohn si zhvilluesin e Mountain. Everything i jep mundësi lojtarëve të luajnë si çdo objekt që ekziston në një univers që gjenerohet vazhdimisht, pa asnjë qëllim ose rezultat për t’u arritur. Loja gjithashtu komentohet nga filozofi i ndjerë Alan Watts. Everything është vlerësuar mjaft mirë nga kritikët që prej lançimit të saj. Trailer-i i saj 11 minuta i gameplay, që mund ta shihni më poshtë, ishte trailer-i i parë i një videoloje që u kualifikua për Oscars.
Metro 2033 Redux është një version remaster i Metro 2033, e cila u lançua në 2010. Një lojë FPS e cila zhvillohet në rënojat e Moskës pas një lufte nukleare, ajo bazohet në romanin me të njëjtin titull të Dmitry Glukhovsky. Metro 2033 dhe lojërat pasardhëse janë të njohura për realizmin e tyre. Plumbat janë të pakët dhe gjithashtu përdoren si monedhe, ndërkohë që kërkimi dhe racionimi i mjeteve të mbijetesës është gjithashtu i nevojshëm. Gjithashtu, lojtarëve iu duhet të veshin maska gazi për të eksploruar zona të ndryshme, të cilat gjithashtu mund të dëmtohen.
Epic Games Store ofron Everything dhe Metro 2033 Redux për Windows pa asnjë kosto për lojtarët. Megjithatë, të dyja këto lojëra mund të luhen dhe në macOS dhe Linux nëpërmjet Steam, ku kushtojnë $14.99 dhe $19.99 respektivisht.
Nëse doni t’i merrni falas, mund t’i gjeni këto lojëra këtu. Do të keni mundësi deri në 3 tetor për t’i marrë ato, kur Epic do të japë falas Minit, një lojë aventurë me një stil mjaft interesant grafik. Epic do të rikthehet të japë falas vetëm një lojë në javë, edhe pse javët e fundit ka dhënë dy lojëra çdo javë.