U deshën pesë vite që ky fund të arrihej
U deshën pesë vite që ky fund të arrihej
Metal Gear Solid 5: The Phantom Pain ka një fund sekret që hapet vetëm kur çdo lojtar i lojës ka hequr armët nukleare nga baza e tyre në lojë. Cutscene u zbulua në PC për shkak të një glitch-i përpara dy vitesh, por ky fund nuk ishte arritur kurrë në mënyrën e drejtë deri këtë javë.
Çdo version i MGS5 ka një numër nuke-sh të veçantë, të cilin mund ta shihni në këtë faqe. Versioni për PlayStation 3 më në fund arriti në 0 në 27 korrik. Edhe pse shifrat shkuan shpejt sërish në 40, çarmatosja zgjati mjaftueshëm sa për të nisur këtë cutscene të veçantë dhe për t’i dhënë mundësi lojtarëve ta xhironin atë.
Janë krijuar disa komunitete për të arritur këtë çarmatosje të nukes në lojë në të gjitha platformat. Versioni për Steam i MGS5 ende ka thuajse 20,000 nukes, ndërkohë që versioni për PlayStation 4 ka rreth 2,500. Nuk pritet që ky cutscene të arrihet në këto versione të lojës, edhe pse në fakt nuk i dihet kurrë.
Cutscene u zbulua në versionin e Steam të Metal Gear Solid 5 përpara disa vitesh, me Konami që thjesht tha se ishte një glitch i shkaktuar nga vlera të gabuara të marra nga serverat e lojës.