Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Gjenerata e re e PlayStation po vjen dhe këto janë mënyrat më të mira që do t’iu ndihmojnë të transferoni të dhënat tuaja nga PS4 në PS5
PlayStation 5 do të sjellë shumë veçori të ndryshme dhe një ndër to është backwards compatibility që iu lejon të luani lojërat e PS4 në PS5. Gjithashtu kjo do të thotë që edhe progresi juaj mund të transferohet duke iu dhënë mundësinë të mos humbisni asgjë gjatë kalimit nga PS4 në PS5.
Dicka që duhet përmendur është fakti se transferimi i progresit nga PS4 në PS5 varet nga loja. Përgjegjësia për bërjen të mundur së transferimit të progresin është e zhvilluesve të lojës dhe kjo bën që jo çdo lojë ta suportojë vecorinë e re të PS5.
Mënyrat për të bërë kalimin e progresit varet gjithashtu edhe nga lojtarët pasi transferimi i progresit tuaj mund të kryhet në mënyrë manuale. Në Xbox Series X dhe Xbox Series S i gjithë ky transferim i progresit kryhet automatikisht nëpërmjet cloud. PS5 kërkon që në ketë transferim të përfshihet edhe përdoruesit e kësaj konsole.
Sony planifikon që të ketë cross-generation ( lojtarët mund të luajnë lojërat e tyre në të dyja gjeneratat e konsolave) për të paktën tre vite. Kjo do të thotë që gjatë këtyre tre viteve çdo lojë do të lançohet si për PS4 po ashtu edhe për PS5. Kjo gjë e bën të nevojshme për çdo lojtar transferimin e progresit.
Mënyrat për ta bërë ketë gjë janë të ndryshme dhe ne iu kemi sjellë ato më të lehtat dhe më të mirat.
Transferimi nëpërmjet LAN
Hyni në PS4 me llogarinë tuaj të PlayStation Network dhe bëni update konsolen tuaj në versionin e fundit. Sigurohuni të sinkronizoni të gjithë progresin tuaj duke filluar nga save files dhe deri tek trophies. Lidhini të dyja konsolat në të njëjtin rrjet Wi-Fi dhe më pas lidhini ato me një kabëll LAN. Duhet përmendur se nuk është e nevojshme t’i lidhni këto dy konsola me LAN nëse ato janë të lidhur LAN në të njëjtin rrjet.
Hyni në PS5 tuaj me të njëjtën llogari PlayStation Network dhe filloni të bëni rregullimet. Ju do të keni mundësinë të transferoni gjithë progresin tuaj nga gjenerata e vjetër e konsolave në gjeneratën e re. Nëse gabimisht e tejkaloni ketë, ju mund të kryeni ketë proces në opsionet që iu ofrohen në Settings e PS5.
Transferimi nëpërmjet Cloud
Nëse e keni bezdi të merreni shumë me kabllo e gjëra të tilla, atëherë transferimi nëpërmjet cloud të PlayStation Network. Hyni në PS4 tuaj dhe PS5 tuaj me të njëjtin llogari PlayStation Network.
Tek PS4 tuaj shkoni tek Settings dhe bëni upload të gjithë data tuaja. Më pas në PS5 shkoni tek Settings dhe shkarkoni data që keni bërë upload nga PS4. I vetmi problem që kjo mënyrë ka është se do t’iu nevojitet një abonim aktiv në PlayStation Plus.
Transferimi nëpërmjet USB
Edhe pse mund të jetë një mënyrë e vjetër përsëri kjo metodë përdoret edhe sot e kësaj dite. Lidhni USB tuaj me PS4 dhe shkarkoni në të gjithë të dhënat tuaja nëpërmjet një opsioni i cili ndodhet në Settings. Më pas të njëjtën USB lidheni me PS5 tuaj dhe bëni upload gjithçka që shkarkuat nga PS4. Kjo është një mënyrë e lehtë dhe që nuk do t’iu marrë shumë kohë.
