Sipas thashethemit më të fundit, Call of Duty: Modern Warfare do të ketë një mode battle royale. Që kur ky informacion filloi të përflitej , Infinity Ward ka reaguar. Gjithsesi as nuk ka konfirmuar diçka dhe as nuk ka mohuar. Ishte YouTuber-i TheGamingRevolution ai që e dha këtë informacion. Sipas një burimi të brendshëm të tij, një mode battle royale është duke u përgatitur.
Sipas këtij burimi, mode-i battle royale ka një hartë masive me 152 lojtarë, që është se tre-fishi i përmasave të Blackout në Black Ops 4. Sado që kjo hartë do të jetë masive, 152 lojtarë nuk është qëllimi përfundimtar i Infinity Ward, përkundrazi, ata duan ta bëjnë me 200 lojtarë.
Duhet thënë që ky informacion nuk është zyrtar dhe se nuk duhet marrë si një fakt i kryer. Plus që po ta mendosh me vëmendje nuk ka shumë sens me ato që kemi dëgjuar për lojën deri tani. Ne dimë se Call of Duty: Modern Warfare do të ketë një campaign, një co-op mode dhe një multiplayer. Në fjalë të tjera është pak e paqartë se ku do i gjejë resurset zhvilluesi për të futur një battle royale brenda.
Një fans madje edhe e pyeti drejtpërdrejt një nga zhvilluesit se çfarë mund të thoshte mbi këtë thashethem dhe Drejtori Artistik, Joel Emslie tha vetëm frazën “no comment”, përmes një gifi të Jim nga The Office.