Tyler “Ninja” Blevins, streamer-i i famshëm i Fortnite, surprizoi të gjithë komunitetin e videolojërave në gusht kur tha që do të linte pas Twitch për të kaluar eksluzivisht në Mixer, platformën streaming të Microsoft. Kontrata nuk u bë kurrë publike, por thuhet se Ninja u pagua më shumë se $50 milion për këtë lëvizje.
Ninja kishte literalisht kanalin me më shumë ndjekës në Twitch me rreth 14 milion përdorues. Më në fund menaxheri dhe gruaja e tij kanë shpjeguar arsyen pas zhvendosjes së tij.
Në një intervistë, Ninja tha se nuk ishte i lumtur përgjithësisht me Twitch sepse ata nuk e dëgjonin atë. Sipas menaxherit të tij Ninja nuk do të mund të rritej me brandin e tij përtej videlojërave.
Ky koment vjen bashkë me një tjetër kontratë që Ninja bëri me Adidas, kompaninë me të cilën ai po punon nga afër. Sipas menaxherit këto lloj kontratash ishin të pamundura për tu kryer me Twitch, që momentalisht është në pronësinë e Amazon.
Një tjetër arsye për kalimin në Mixer ishte “toksiciteti”. Menaxheri i tij tha se aty Ninja ishte duke humbur vetëveten dhe dashurinë që kishte për të bërit stream. Rrjedhimisht kishte një sjellie më pak entuziaste nga ana e tij. Ai shton se propozimi i Microsoft ishte i këndshëm dhe miqësor në përqasjen e tij.
Sado që ende nuk dihet nëse inkorporimi i Ninja në Mixer pas largimit nga Twitch do të sjellë rezultatet e dëshiruara, e vërteta është se lojtarit të Fortnite nuk i është dashur shumë që të arrijë suksesin në atë platformë. Së fundmi ai i informoi fansat në Twitter se ka arritur 2 milion ndjekës në Mixer, vetëm një muaj pas ardhjes. Thjesht… mbreslënëse.
“Sot kapëm 2 milion ndjekës në Mixer në më pak se një muaj! Qëllimi im në Mixer nuk është që të marr më shumë shikues se të gjithë, por të përpiqem të sjell sa më shumë streamers me vete dhe të sjell sa më shumë vëmendje në këtë platformë të mrekullueshme.” Shprehet Ninja.
Në broadcastin e tij të parë në Mixer, Ninja kishte një mesatare prej 75,000 dhe 80,000 spektatorësh teksa po luante Fortnite: Battle Royale. Kur luante në Twitch, kishte rreth 130,000 shikues.
Momentalisht kanali i tij qëndron në 2,333,584 followers dhe më shumë se 21.5 milion shikime të regjistruara. Ylli i Fortnite është ende larg shifrave gjigande që kishte në Twitch, por nuk mund ta mohojmë që deri tani ka bërë një punë mbreslënëse.