Shumica e hype-it për Mortal Kombat 11 DLC pack është fokusuar në shtimin e Rambo në galerinë e gjerë të personazheve të lojës. Por Kombat Pack 2 gjithashtu do të sjellë dy personazhe klasikë: Rain dhe Mileena, dy emra shumë të kërkuar nga fansat.
Pas trailerave me Sylvester Stallone si Rambo, së shpejti do të mund të shohim edhe gameplay të Mileena, një fakt që e dimë nga një burim i pazakontë: një reklamë me Megan Thee Stallion, që është veshur si i njejti personazh.
“Gameplay bout to drop real soon,” lexon postimi në Instagram, por pyetja e vërtetë këtu është: A do të kemi një skin të Megan Thee Stallion si Mileena? Kjo është një lojë që ka brenda Joker, Spawn, Robocop dhe Terminator brenda, ndaj pse jo?
Kombat Pack 2 DLC do të vijë në 17 nëntor, ashtu si edhe Mortal Kombat 11 Ultimate Edition, që do të ketë të 37 personazhet dhe expansion-in e Aftermath.