Më shumë se gjysma e lojtarëve të LoL në Bronze dhe Silver kanë dalë nga ato tier

Sa më divizion i lartë të jesh, aq më e vështirë bëhet të ngjitesh

A e keni menduar ndonjëherë sa e vështirë është të dalësh nga një tier në League of Legends? Nëse jeni Silver, a mendoni se do ja arrini të kapni Gold për të marrë atë skin-in Victorious që e duan të gjithë apo do të ngeleni në të njëjtin tier deri në fund të sezonit?

Sipas të dhënave nga faqja e statistikave për League of Legends Mobalytics, ju duhet të jeni të aftë të dilni nga Silver. Rreth 70% e lojtarëve në Bronze dhe 50% e atyre në Silver kanë arritur të dalin nga tier-et përkatëse.

Në të dyja rastet, duheshin rreth 24 deri në 25 lojra për të dalë nga një divizion. Vitin e kaluar kishte nga 5 divizione për tier, pra duhej më shumë kohë për të dalë. Megjithatë, në fund të vitit shumica e lojtarëve ja dolën të ngjiteshin.

Në mënyrë aspak surprizë, ngjitja bëhet më e vështirë sa më e lartë është MMR jote. Numri i lojërave për të dalë nga Gold, Platinum dhe Diamond rritet disa herë. Megjithatë, nuk duhen më shumë ditë për të dalë, me shumë mundësi sepse lojtarët në ato tier janë më të përkushtuar dhe luajnë më shumë në një ditë.

Mobalytics gjithashtu zbuloi se lojtarët që përdorin platformën dhe guidat e tyre ngjiten më shpejt. Mbi 100,000 lojtarët e përdorën faqen muajin e kaluar dhe shumica e tyre arriti të ngjitej më shpejt se ata që nuk e përdorën faqen e tyre.

Mobalytics nuk jep stastitika nëse ata që nuk përdorin faqen e tyre preferojnë një faqe tjetër. Megjithatë, mesazhi është i qartë: do t’ja arrini të ngjiteni, sidomos nëse keni MMR të ulët. Dhe pse Iron nuk ekzistonte vjet, por edhe nëse ndodheni aty, me shumë mundësi pas mjaftueshëm lojrash do t’ja arrini të ngjiteni.