Më shumë detaje të Cyberpunk 2077 do të vijnë në episodin e ri të Night City Wire

Episodi i ri është caktuar për të hënën,10 gusht, në orën 18:00

Duke njoftuar stream-in e ri, zhvilluesi i saj thotë se “do të ndajë detaje rreth rrugëve që ndjekin personazhet në lojë, do t’ju tregojë llojet e armëve që do të përdorni, dhe do të diskutojë shndërrimin e Refused në Samurai”, duke iu referuar grupit punk të nënshkruar për të kontribuar në kolonën zanore. Ju mund të shikoni stream-in live në Twitch, megjithëse nuk është e qartë se sa do të zgjasë ose çfarë do të përfshihet.

Night City Wire e mëparshme, na solli lajme mbi teknikat e ray-tracing në Cyberpunk 2077, si dhe serinë e re anime Cyberpunk që do të vijë në Netflix, Edgerunners. Ajo gjithashtu përkoi me një raund të previews në media. Aty, zhvilluesi zbuloi se open-world e Cyberpunk mund të mos jetë aq e madhe sa u mendua në fillim dhe se “GTA mode” është i mundur në lojë.

Tani jemi rreth tre muaj larg nga data e lëshimit të Cyberpunk 2077, e cila është caktuar për 19 nëntor pas vonesave të shumta.