Mass Effect Trilogy mendohet se do të lançohet përpara fundit të këtij viti, por prapëseprapë do të vonohet. Një gazetar me burime të brendshme, beson se një version upgraded i lojës është planifikuar për tetor, por se mund të vonohet gjithsesi.
Gazetari Jeff Grubb solli disa lajme të mira. “Deri para javës së shkuar, e dija me siguri se plani ishte për njoftim në fillim të tetorit dhe lançim të fund të tij,” u shpreh ai. “Lajmi i keq: Jemi në 2020n dhe gjërat mund të mos shkojnë sipas plani.”
EA tashmë ka Star Wars Squadrons si një lançim të madh për muajin tetor, për çmimin e $40. Mesa ka dëgjuar Grubb plani është që Mass Effect trilogy të jetë një lojë e kombinuar, që kushton $60 dhe që do të vijë në sezonin e pushimeve.
Grubb vazhdon të ulë pak pritshmëritë për këtë version të trilogisë. Sipas tij do të jetë më shumë një formë upgrade-i se një transformim total.
Nuk i dihet se sa të vërteta janë këto informacione, ndaj e mira është që të mos i merrni menjëherë për të mirëqena, pa patur një konfirmim të EA në duart tona. Tani na mbetet të presim dhe të shohim.