Mass Effect: Legendary Edition njoftohet zyrtarisht

BioWare më në fund e ka konfirmuar këtë.

Electronic Arts dhe BioWare kanë konfirmuar se një remaster i trilogjisë së Mass Effect është në punë e sipër.

Versionet e reja nuk do të jenë remakes të plota: BioWare tha se synon që të “modernizojë eksperiencën, që fansat dhe lojtarët e rinj të mund të përjetojnë punën origjinale në mënyrën më të mirë të mundshme.”

“Si zhvillues lojërash, gjithmonë shpresojmë që lojërat tona do të shkojnë përtej platformave origjinale. Mundësia për të bërë remaster këtë trilogji nënkupton që frytet e një dekade do të vazhdojnë të jetojnë dhe do të përjetohen më mirë se kurrë më parë nga lojtarët,” shkruan një përfaqësues i BioWare.

“Mass Effect: Legendary Edition do të përfshijë single-player base content dhe DLC nga Mass Effect, Mass Effect 2 dhe Mass Effect 3, plus promo weapons, armors dhe packs, të gjitha këto remastered dhe të optimizuara për 4k Ultra HD.”

Mass Effect: Legendary Edition pritet të dalë në pranverën e 2021. Më shumë informacione do të zbulohen vitin e ardhshëm.