Marvel sjell lojën e parë MOBA me MARVEL Super War

NetEase Games dhe Marvel Entertainment kanë publikuar MOBA-n e parë për Android dhe iOS në një beta të mbyllur për Indinë dhe Azinë Juglindore.

MARVEL Super War i lejon lojtarët të luajnë si personazhet e tyre të preferuar nga universi i Marvel, përfshirë këtu Deadpool, Hulk, Thor, Black Widow dhe Xman, por edhe antagonistët si Ebony Mow dhe Corvus Glaive nuk do të mungojnë. Loja është e ngjashme me lojëra të tjera MOBA për mobile në idenë e gameplay-it, pra një eksperiencë 5v5 me ndeshje të shkurtra.

Testimi i betës së mbyllur u hap në 28 maj dhe do të vazhdojë për 14 ditë deri në 10 qershor. Përgjatë kësaj kohe, lojtarët brenda rajoneve të përzgjedhura mund të luajnë me 10 heronj falas dhe 15 rekrutë, secili me aftësitë unike dhe pasivet, në PvE dhe mode 5v5.

Në raport me gameplay-in MOBA shpaloset në mënyrë të mrekullueshme. Komandat ishin të thjeshta për tu përdorur në mobile. Gameplay ishte i këndshëm dhe kishte vetëm disa bugs në aspektet e animimit të aftësive të heronjve. Për momentin është në një beta të mbyllur, por duke parë se çfarë ofron, do të thonim që do të jetë një lojë mjaft e mirë.

Faqja zyrtare e lojës thotë që do të ketë combat të drejtë dhe gameplay-in. Ndryshe nga MOBA-t e tjera në mobile, sistemi jo i drejtë i runes është zëvendësuar me një sistem buff të hapur dhe falas, për të siguruar zhdukjen e elementeve pay-to-win në lojë.

Është e paditur se kur duhet pritur një lançim global për lojën, por besojmë se do të marrim më shumë informacion së shpejti.