Marvel ka ndryshuar pak axhenden e publikimit të filmave, duke vonuar shumë nga projektet e ardhshme në shkallë të ndryshme. Nëse jeni të njohur me Marvel Cinematic Universe, atëherë mund ta dini se sa saktësisht Disney e ka planifikuar të ardhmen e saj. Ne normalisht i dimë datat e publikimit të këtyre filmave muaj dhe muaj më parë, por tani, shumë prej tyre janë shtyrë me lançimet e tyre.
Siç raportohet nga Comicbook.com, Marvel dhe Disney kanë shtyrë një sërë filmash të tyre të ardhshëm. Doctor Strange in the Multiverse of Madness ishte caktuar të lançohej më 25 mars 2022, por tani do të publikohet më 6 maj 2022. Thor: Love and Thunder ishte caktuar për më 6 maj dhe është shtyrë për në 8 korrik 2022. Black Panther: Wakanda Forever ishte caktuar në 8 korrik, por tani është caktuar për 11 nëntor. Marvels u vendos për 11 nëntor, por tani do të dalë më 17 shkurt 2023. Ant-Man and The Wasp: Quantumania u caktua për 17 shkurt 2023, por tani është caktuar për 28 korrik 2023. Siç mund ta keni vënë re, të gjithë këta filma janë spostuar me lançimet.
Për më tepër, dy filma janë hequr nga programi publik dhe një projekt akoma i patitulluar është zhvendosur nga 10 nëntori 2023, në 3 nëntor. Comicbook dyshon se një nga projektet pa titull që janë hequr nga orari është Blade i cili është interesant. Ndoshta këto projekte janë tani aq larg në të ardhmen saqë nuk ka një ide të qartë se kur do të publikohen.
Por mos u shqetësoni, megjithëse këta filma kanë lëvizur, Marvel sigurisht që do ta mbushë kohën me përmbajtje të tjera të Disney+ si serialet televizive. Agatha nga WandaVision sapo ka konfirmuar spin-off-in e saj, për shembull, dhe ne e dimë se do të ketë edhe një sezon të dytë të Loki.