Përgjatë javëve të fundit kompani të ndryshme kanë qenë duke ndihmuar me idenë e distancimit social, duke ofruar një sërë produktesh dhe shërbimesh falas. Dyqane dhe zhvillues të ndryshëm janë duke dhënë falas më shumë lojëra se kurrë dhe shërbime subscription kanë zgjatur periudhat e tyre të free trial. Tani Marvel është duke dhënë falas comic books, me 12 prej tyre që janë të disponueshëm për tu shkarkuar që tani.
Këto comics mund të merren falas nga appi Marvel Unlimited në iOS ose Android dhe nuk do të keni nevojë të regjistroheni për një periudhë trial të këtij shërbimi subscription për ti marrë ata.
Comics-at e përfshirë në muajin prill përmbajnë linjat e plota historike, duke sjellë minimalisht nga gjashtë botime që normalisht shiten për $10 ose më shumë. Në listën e prillit përfshihen comics si Civil War, Ta-Nehisi Coates’ Black Panther dhe shumë histori të ndryshme të Avengers.
Të 12 comics do të jenë falas për tu marrë deri në 4 maj. Duke parë se si ka folur Marvel, ka gjasa që do të kemi një tjetër listë me comics falas për muajin maj. Shikoni listën e plotë të prillit më poshtë:
- Amazing Spider-Man: Red Goblin
- Avengers: The Final Host
- Avengers: Kree/Skrull War
- Avengers vs. X-Men
- Black Panther Vol. 1
- Black Widow Vol. 1: SHIELD’s Most Wanted
- Captain America: Winter Soldier Ultimate
- Captain Marvel Vol 1: Higher, Further, Faster, More
- Civil War
- Fantastic Four Vol. 1: Fourever
- Thanos Wins
- X-Men Milestones: Dark Phoenix Saga