Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Ja çdo gjë që duhet të dini.
Marvel ka sjellë zyrtarisht planet e saj për fazën e 4 të Marvel Cinematic Universe që në San Diego Comic-Con të vitit të shkuar, por që nga ajo pikë ka patur disa ndryshime të bëra. Më poshtë do të gjeni filmat për të cilët duhet të jeni të informuar gjatë Phase 4 të MCU.
BLACK WIDOW
E njohur deri më tani si një agjente e S.H.I.E.L.D. dhe një anëtare e Avengers, Scarlet Johasson (Natasha Romanoff) do të rikthehet në rolin e saj ikonik të Marvel për të eksploruar ditët e saj si një spiune ruse. Black Widow do të zhvillohet midis eventeve të Captain America: Civil War dhe Avengers: Infinity War në linjën kohore të MCU.
Romanoff do të detyrohet të përballet me një kërcënim të rrezikshëm nga e kaluara e saj. David Harbour do të luajë rolin e një super ushtari rus, pak a shumë si një Captain America i dytë, që dikur ka qenë mentori i Romanoff. Raportohet se Robert Downey Jr. (Iron Man) gjithashtu është kërkuar të ketë një cameo të shkurtër në film.
Black Widow ka qenë nën regjinë e Cate Shortland dhe do të vijë në kinema në 1 maj të 2020ës.
THE ETERNALS
Phase 4 do të marrë një drejtim kozmik dhe The Eternals do të jenë të parët që do të shtrojnë rrugën përpara. Pas eventeve të Avengers: Endgame, një tjetër grupim heronjsh do të bashkohen për ta mbrojtur njerëzimin nga armiqtë e tyre, Deviants.
Eternals u krijuan nga Celestials për të mbrojtur Tokën nga të gjitha kërcënimet që mund të konsiderohen si qënie hyjnore. Misioni i tyre është të sigurojnë paqen dhe balancën në univers, gjë kjo që shkon kundër planeve të Deviants.
The Eternals do të sjellin një ansambël kasti që përfshin: Richard Madden (Ikaris), Angelina Jolie (Thena), Kumail Nanjiani (Kingo), Salma Hayek (Ajak), Brian Tyree Henry (Phastos), Don Lee (Gilgamesh), Lia McHugh (Sprite), Lauren Ridloff (Makkari) dhe Kit Harington (Black Knight).
The Eternals ka qenë nën regjinë e Chloé Zhao dhe do të vijë në kinema në 6 nëntor të 2020ës.
SHANG-CHI: AND THE LEGEND OF THE TEN RINGS
Shang-Chi: And the Legend of the Ten Rings do të jetë filmi i parë me një protagonist aziatik në rolin e superheroit. Simu Liu (Shang-Chi) do të luajë rolin kryesor si Master of Kung-Fu, përkrah Tony Leung (The Mandarin) dhe Awkwafina në një rol ende të pazbuluar.
Ten Rings është organizata terroriste që rrëmbeu Tony Stark në filmin e parë të Iron Man. Organizata është referuar edhe në disa filma të tjerë të MCU.
Shang-Chi: And the Legend of the Ten Rings është nën regjinë e Destin Daniel Cretton dhe do të vijë në kinema në 12 shkurt të 2021.
DOCTOR STRANGE IN THE MULTIVERSE OF MADNESS
Benedict Cumberbatch do të rikthehet për filmin e tij të dytë. Nuk ka shumë detaje të zbuluara për këtë film, por disa teasers kanë dalë në përfundimin se Doctor Strange in the Multiverse of Madness do të eksplorojë tonalitetet e horrorit për herë të parë në të gjithë filmat e Marvel. E gjithë linja kohore mund të ngatërrohet këtu, ndaj mezi presim të shohim çfarë ka rezervuar Marvel për ne.
Doctor Strange in the Multiverse of Madness është nën regjinë e Sam Raimi dhe do të dalë në kinema në 7 maj 2021.
VAZHDIMI I SPIDER-MAN: FAR FROM HOME
Pas një mosmarrëveshjeje mes Marvel dhe Sony, filmi i tretë i Spider-Man dukej të kishte një të ardhme të lëkundur në MCU dhe Phase 4 specifikisht. Gjithsesi, dy kompanitë arritën një kompromis dhe filmi u kthye sërish në vendin e tij.
Vazhdimi i Spider-Man: Far From Home, që ende nuk ka marrë një titull do të sjellë në kastin e tij emra si: Tom Holland (Spider-Man) dhe Zendaya (MJ). Gjithsesi momentalisht nuk dihet asgjë më shumë se kaq. Filmi do të ndjekë eventet pas skenës finale që Jake Gylenhaal (Mysterio) bëri në Far From Home.
Filmi do të jetë nën regjinë e Jon Watts dhe do të vijë në kinema në 16 korrik të 2021.
THOR: LOVE AND THUNDER
Natalie Portman (Jane Foster) do të veshë mantelin e Thor si heroina më e re e MCU. Chris Hemsworth (Thor) gjithashtu do të rikthehet bashkë me Tessa Thompson (Valkyrie) si liderja e re e Asgard. Këtu raportohet se Christian Bale gjithashtu do të ketë një rol, ende të paditur për publikun.
Thor: Love and Thunder është nën regjinë e Taika Waititi dhe do të vijë në kinema në 5 nëntor të 2021.
BLACK PANTHER 2
Marvel së fundmi konfirmoi se Black Panther 2 do të përmbyllë fazën e 4 të MCU dhe do të hapë dyert për fazën e pestë. Chadwick Boseman (T’Challa/Black Panther) do të rimarrë rolin e tij bashkë me një pjesë të mirë të kastit të filmit të parë si: Winston Duke (M’Baku), Letitia Wright (Shuri) dhe Dani Gurira (Okaraye).
Black Panther 2 do të jetë nën regjinë e Ryan Coogler dhe do të vijë në kinema në 6 maj të 2022.
