Mario Kart për mobile më në fund po merr një landscape mode

Update-i për Mario Kart Tour rikthen perspektivën klasike të serive

Një update për Mario Kart Tour, lojën racer të Nintendo për Android dhe iOS, i ardhur në 21 korrik do të prezantojë një landscape mode të ri në lojën mobile, gati 10 muaj pas lançimit. Sipas Nintendo, landscape mode e Mario Kart Tour do të përfshijë gjithashtu një plan të ri kontrolli mbi lojën.

Kur Mario Kart Tour doli në shtator 2019, i vetmi mode për të luajtur ishte në portrait mode, një zgjedhje që kontribuoi në ndjenjën e çuditshme të lojës mobile-racing dhe disa kontrolle marramendëse. Por Nintendo ka vazhduar të përditësojë Mario Kart Tour me evente të reja, pista të reja dhe pilotë të rinj, përfshirë këtu edhe shtesën e fundit të Captain Toad.

Në mars, Nintendo shtoi multiplayer në Mario Kart Tour pas rreth tre muaj provash. Në lançim, loja mobile paraqiti garën kundër pilotëve të kontrolluar nga kompjuteri.

Mario Kart Tour është në dispozicion për pajisjet Android dhe iOS nga Google Play Store dhe Apple App Store. Loja është falas për t’u luajtur.