Man City zbulon merch-in me FaZe Clan në ndeshjen e Premier League

Kampionët e English Premier League, Manchester City, na kanë dhënë pamjen e parë të merch-it të tyre në bashkëpunim me FaZe Clan gjatë ndeshjes së tyre kundër Wolves. Fansat u çuditën kur organizata e famshme e esports njoftoi se do të bashkëpunonin me klubin Anglez të futbollit në 25 shtator.

FaZe Clan zbuloi se sado që thelbi i këtij bashkëpunimi ishte që të dy brandet të krijonin video dhe kontent ekskluziv për fansat, ata gjithshtu do të sillnin një linjë rrobash së bashku.

Nuk u desh shumë që ky objektiv të realizohej, pasi lojtarët u panë duke veshur xhaketat FaZe Clan x Man City përpara se të përballeshin me Wolverhampton Wanderers FC.

Manchester City ka patur edhe bashkëpunime me brande të tjera në industrinë e gaming si Turtle Beach, sponsori i tyre zyrtar për kufje në gusht të 2018s. Skuadra shpreson që përmes këtij partnershipi me klubin e esports do të përmirësojnë edhe më shumë suksesin e tyre.

Përpara se ndeshja të fillonte, Man City postoi një foto të lojtarëve të tyre në tynel, duke treguar merch-in e ri me brandin e FaZe Clan që dukej qartë në të dyja anët e xhaketës.

Gjithsesi bojqielli dhe lejlaja mund të mos jenë ngjyrat që fansat e FaZe Clan janë mësuar të shohin në logon e tyre ikonike, por besojmë se gjërat duhet të mbaheshin në vijë me brandin normal të Premier League.

Pas zbulimit publik të kësaj xhakete, ajo është bërë e disponueshme për fansat e të dyja skuadrave në website-in zyrtar të Manchester City. Edhe pse pritet që të shihen më shumë gjëra të tjera në bashkëpunimin e Man City me FaZe Clan, nëse pjesa e merch-it pritet mirë nga publiku, mund të shohim edhe këtu zgjerime të mëtejshme.

Në njoftimin e tyre për këtë partnership, fansave ju është thënë që të presin bashkëpunime të mëtejshme mes lojtarëve pro, si takime me fansat etj. Fatkeqësisht, nuk duket se merch-i me FaZe Clan i solli shumë fat skuadrës, pasi ajo humbi ndeshjen në rezultatin 2-0, duke u pozicionuar tani tetë pikë pas rivalëve të Liverpool-it.