Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Një lojtar i CS:GO gati kaloi në shok, kur një makinë u përplas drejtpërdrejtë me ndërtesën e tij, duke shkaktuar dëme të konsiderueshme, teksa ai ishte live në Twitch.
Duke luajtur një ndeshje kompetitive në Overpass, një nga lojtarët papritur ndaloi së luajturi dhe filloi të bërtiste me zë të lartë nga larg. Teksa shokët e tij të skuadrës ishin të hutuar nga situata dhe shqetësimi i papritur, ata i bënë pause ndeshjes dhe pritën për rikthimin e tij. Lojtari në fjalë, i njohur si Stattik në lojë, u rikthye pak më vonë dhe shpjegoi që një makinë ishte përplasur me derën e shtëpisë së tij.
Një prej lojtarëve, Birdehbox, ishte duke bërë stream në Twitch në ato momente dhe kapi vëmendjen e të gjithëve përmes këtij incidenti. Në fillim ai dhe skuadra e tij ishin shumë konfuzëse pse shoku i tyre ishte larguar papritur nga loja, por së shpejti çdo gjë u bë shumë e qartë.
“Ishte gjë Stattik që po bërtiste?” pyeti një nga lojtarët. Një tjetër u përgjigj: “Po. Nuk e kam dëgjuar kurrë të bërtasë kështu. Mos ju thye gjë mausi a ndonjë gjë?” Në fakt në vend të mausit ishte shtëpia, por hamendësimi i tij ishte deri diku i afërt.
“Do më duhet të largohem. Dikush sapo goditi shtëpinë time me makinë dhe më theu derën. Nuk po tallem, do ju çoj foto më vonë. Fuck dmth.” I tha ai shokëve të tij.
Pasi historia u përhap edhe në Reddit, një imazh i dëmeve të pësuara u postua në wev. Përplasja duket të ketë qenë në shpejtësi të madhe, duke gjykuar nga dëmet e mëdha që ka pësuar fasada e ndërtesës.
Sipas Stattik, shoferi kishte thënë se: “nuk i punonin frenat”, duke e detyruar që të përplasej me ndërtesën, por ai gjithashtu tha se dyshonte shumë që kjo të ishte e vërtetë.
Ai nuk mundi të merrte më shumë detaje nga shoferi pasi policia erdhi menjëherë për ta arrestuar. Shoferi nuk kishte asnjë mjet identifikimi dhe makina gjithashtu nuk ishte nën pronësinë e tij. Stattik gjithashtu postoi edhe një foto të makinës pas përplasjes.
Fatmirësisht, askush nuk besohet të jetë lënduar gjatë incidentit dhe shoferi tha se do të paguante për të shlyer dëmet e shkaktuara.
Sa për ndeshjen e CS:GO, lojtarët e tjerë ishin aq të sjellshëm sa të prisnin për një zëvendësues dhe në fakt shokët e skuadrës fituan lojën në fund. Si për ironi emri i tyre ishte ‘Door Stuckers’.
