Me ardhjen e update v13.40 në Fortnite, erdhën edhe makinat. Askush nuk mendoi se makinat kishin kapacitetin të fluturonin gjithsesi. Por duket se falë një glitchi, që është bërë viral, makinat realisht po fluturojnë në Fortnite.
Është në fakt mjaft e thjeshtë që makinat të fluturojnë në ajër, duke i hapur konkurencë edhe helikopterëve madje si mjet transporti. OrangeGuy, që gjen zakonisht glitche në Fortnite, na ka shpjeguar se si mund ta bëjmë këtë gjë hap pas hapi në videon e mëposhtme:
Ky glitch mund të përsëritet në çdo lloj makine, sado që ka disa dallime për makina të caktuara. Versioni që ilustrohet në video është më i lehti për t’u bërë deri më tani.
Nuk vihet në dyshim pastaj që një glitch i tillë do të ishte super gallatë po të bëhej në mes të një loje. Gjithashtu do të merrni fuel pa limit nëse e bëni këtë glitch. Por edhe nëse nuk e bëni, thjesht ndërroni mes axe dhe canister, teksa bëni spam butonin e pickup dhe do të keni gas cans pa limit.
Është e qartë që Epic nuk e kishte për qëllim të sillte makina që fluturojnë në Fortnite, por ku i dihet se çfarë kanë planifikuar për të ardhmen. Për momentin ky mbetet vetëm një glitch.
Epic me shumë gjasa do i duhet t’i nxjerrë makinat nga loja për ta rregulluar këtë glitch, ndaj prisni ndonjë pezullim të përkohshëm të tyre në ditët në vijim.
Kini kujdes nëse përpiqeni ta rikrijoni këtë glitch. Epic njihet që ka qarkulluar edhe bans, kur lojtarët kanë tentuar të përdorin exploits në avantazhin e tyre.