Raportohet se Mads Mikkelsen është shumë pranë zëvendësimit të Johnny Depp në seritë e filmave të Fantastic Beasts.
Johnny Depp njoftoi së fundmi se do të stepej nga roli i tij në Warner Bros, pasi humbi çështjen në gjyq kundër gazetës The Sun, që e etiketoi si një “dhunues të grave”. Që nga ky njoftim shumë fansa i kanë dalë në mbrojtje me hashtagun #JusticeforJohnnyDepp që është praktikisht kudo në mediat sociale.
Tani përflitet se Mads Mikkelsen mund të marrë përsipër rolin e Grindelwald në Fantastic Beasts 3. Sado që asgjë nuk është zyrtare, është raportuar se disa anëtarë nga ekipi i produksionit të filmit, mund të konfirmojnë se ai do të marri rolin e Gellert Grindelwald.
Pas lajmit të largimit të Depp u njoftua se filmi i tretë do të vonohej deri në 15 korrik të 2022. Me pak fjalë fansat do të duhet të presin edhe pak që ta shohin botën magjike të rikthehet në ekran.