Luani si Johnny Silverhand i Keanu Reeves në Metal Gear Solid 5

Gjithashtu edhe si John Wick

Duket se Keanu Reeves është bër tashmë një prej figurave më të shquara dhe të dashura në videolojëra. John Wick u bë pjesë e Fortnite dhe gjithashtu do të vijë në formën e një loje strategjike të quajtur John Wick Hex, pa harruar dhe shfaqjen e tij si Johnny Silverhand në Cyberpunk 2077. Falë modder-it JinMarr, tashmë dhe Metal Gear Solid 5: The Phantom Pain mund t’i shtohet kësaj liste.

Mod-i që është akoma në zhvillim e sipër i lejon lojtarët të luajnë si John Wick ose Johnny Silverhand ndërkohë që hidhen nga helikopterët dhe vrasin ushtarë sovjetikë. Fatmirësisht, MGS5 na jep mundësinë të luajmë me një krah robotik, pra fansat e Silverhand padyshim që do të kenë një sozi perfekte. Megjithatë, padyshim që të dy rolet duken shkëlqyeshëm.

Udhëzimet për instalimin e këtij mod-i mund t’i gjeni këtu.