Loot Boxes duhet të konsiderohen si kumar sipas parlamentit britanik

Komiteti i kumarit në Mbretërinë e Bashkuar mendon se Loot Boxes duhet të konsiderohen si kumar dhe t’iu nënshtrohet ligjeve të kumarit

Dhoma e lordëve ka publikuar në Parlamentin Britanik një raport në lidhje me loot boxes. Në këtë raport thuhet se në qoftë se një produkt duket dhe ndihet si kumar duhet të menaxhohet si kumar duke krahasuar loot boxes si një kumar dhe duke i bërë thirrje Parlamentit Britanik që të reagoj sa më shpejt dhe të kryej ndryshimet e duhura në legjislacionin përkatës. Sipas kërkimeve të kryera kanë dalë përfundime se blerja e loot box dhe kumari kane një lidhje midis tyre edhe pse kjo lidhje nuk është e drejtpërdrejtë. Gjithashtu shtohet se të rinjtë janë në rrezik dhe se mund të zhvillojnë probleme dhe varësi ndaj kumarit.

Ky raport ka venë ne dukje se shumë shtete kanë filluar ta kuptojnë ketë gjë dhe kanë filluar të marrin masa dhe ndryshimet e duhura në legjislacion.

Loot boxes janë mekanika të lojës të cilat lejojnë lojtarët të shpenzojnë para me objekte virtuale të cilat mund të përdoren në lojë si për shembull skins ose kozmetika pa e ditur ekzaktësisht se çfarë do ai do të marrë. Kjo gjë nuk e quajtur kumar në Mbretërinë e Bashkuar por pas raportit të kryer nga Dhoma e Lordëve pritet një njoftim ose deklaratë nga Departamenti për Dixhital, Kulturë, Media dhe Sport i këtij vendi. Shumë vende të tjera si Belgjika i klasifikojnë loot boxes si kumar dhe shumë lojëra të ndryshme të vlefshme në ketë shtet janë hequr nga tregu ose ndryshuar.

Industria e lojërave në Mbretërinë e Bashkuar ka patur shumë lëvizje në lidhje me këtë gje dhe një prej tyre është fushata “Get Smart About P.L.A.Y.” e cila kishte si qëllim të nxiste kontrollin e prindërve që të menaxhojnë, limitojnë ose t’i ndërpresin shpenzimet në lojëra të ndryshme. Shumica e njërëzve në këtë shtet luajnë videolojëra si në një mënyrë apo një tjetër kështu që këto fushata dhe debate të hapura janë marrë me seriozitet nga Parlamenti Britanik. E vetmja gjë që mund të presin është vendimi që do të merret dhe ndryshimet në ketë fushë të cilat mund të ndikojnë shumë në botën e gaming.