Zbulohen teasers për Seraphine, kampionen e re të LoL

Këto teasers u zbuluan në një llogari të çuditshme në Twitter dhe Instagram

Shumë pak dihet rreth kampiones së re të League of Legends. Është thënë se ajo do të jetë një mage sensacional, por nuk ka më shumë informacion.

Gjithsesi, në rrjetet sociale janë shfaqur disa teasers të cilat mesa duket i përshtaten kampiones. Ato janë në dy llogari me emrin Seraphine dhe tag-un @seradotwav në Twitter dhe Instagram. Në bio-t e saj në rrjetet sociale, Seraphine është një kantautore dhe producente me ëndrra të mëdha. Mesa duket, aspekti sensacional i saj do të vijë nëpërmjet aftësive.

Në fotot e Seraphine mund të shihen mjaft lidhje me League of Legends. Arushi i Annie, Tibbers, shfaqet në sfondin e disa prej fotove të saj.

Seraphine gjithashtu ka një profil në Soundcloud me të njëjtin emër. Në të gjendet një cover i Childhood Dreams nga Ary, e cila është nën licensën e Universal, që kohët e fundit arritën një marrëveshje me League of Legends.

Duke parë numrin e madh të teasers, me shumë mundësi Riot është pranë lançimit të Seraphine. Ata kanë thënë më herët që kanë dëshirë ta sjellin kampionen e re afër Patch 10.20. Duke qënë se Worlds zhvillohet në Patch 10.24 dhe me shumë Seraphine do të vazhdojë të publikojë këngë, pritet që ajo të zbulohet së bashku me këngën e re të Worlds.