Lojtarja e parë femër e FaZe Clan është 13 vjeç

Soleil ‘Ewok’ Wheeler është anëtarja më e re e grupit

Pjesëtarja e parë femër e FaZe Clan është një lojtare 13-vjeçare e Fortnite. Ajo ju bashkua skuadrës elitare të esports këtë fundjavë pas paraqitjes së saj në World Cup Pro-Am Duos.

Soleil “Ewok” Wheeler është e shurdhër. Ajo dha një deklaratë shumë emocionuese në gjuhën e shenjave kur u prezantua mbrëmjen që lamë pas. “Jam shumë e emocionuar që jam pjesë e FaZe. Të gjithë anëtarët e skuadrës janë të mrekullueshëm.” Tha ajo.

Ewok është anëtarja e dytë e FaZe Clan nën moshën 14 vjeçare, pas H1ghsky1 që ju bashkua skuadrës së Fortnite në Mars. Ewok luajti me Jordan Fishter në Pro-Am të premten, duke fituar $20,000 për bamirësi.

Karriera e Ewok deri tani ka përfshirë aktivitete me streamerat: Ben “DrLupo” Lupo, Tim “TimTheTatman” Betar dhe Tyler “Ninja” Blevins, duke e bërë atë një nga të paktat vajza që luan me Ninja, që pas njoftimit të tij kontradiktor nga vjet, që nuk do të bënte stream me lojtare femra. Ajo, Ninja, Dr Lupo dhe Chap nga Team Liquid bën stream së bashku në 4 qershor.

Sipas statistikave në Fortnite Tracker, Ewok ka 65 fitore deri më tani në Season 9me 1335 eleminime dhe një  1.74 K/D. Në Twitch ajo ka mbi 200,000 ndjekës dhe ka tetë muajt e fundit që bën stream, duke filluar me një video ku eleminon Thang “SpaceLyon” Phan, një nga themeluesit e skuadrës së Fortnite në FaZe. Tani i është bashkuar si shoqja e skuadrës.