Lojtarët mendojnë se esports ka probleme pas anullimit të skin-eve për PGC
Lojtarët mendojnë se esports ka probleme pas anullimit të skin-eve për PGC
Ekipet e esports të PUBG të cilat do të konkurrojnë në Global Championship muajin tjetër nuk do të kenë skin-e me logon e secilit ekip. Në një email, PUBG Corp konfirmon se skin-et e premtuara më herët këtë vit nuk do të vijnë për shkak të problemeve me zhvillimin dhe një lojtar mendon se kjo do t’i shtyjë shumë ekipe të largohen nga esports.
E-maili iu dërgua ekipeve para disa ditëve, duke i informuar ato për situatën përpara deklaratës zyrtare të PUBG Esports, të cilën mund ta gjeni këtu. “Për shkak të sfidave dhe shqetësimeve nga PDU dhe zyrat qëndrore në Seoul, nuk kemi mundësi të krijojmë skin-et që i kemi premtuar ekipeve. Kjo ka ndodhur kryesisht për shkak të procesit të zhvillimit dhe pamundësisë për të krijuar një skin me kualitet të lartë për të përfaqësuar organizatën tuaj të PUBG,” – thotë email-i.
Në vend të skin-eve, ku 25% e fitimeve prej tyre do t’i jepeshin organizatave, PUBG ka lançuar 12 skin-e të përgjithshme për PGC. PUBG Corp ka vendosur t’i japë ekipeve 50% të fitimeve nga këto skin-e, ndërkohë që 25% e fitimeve do të shkojë për rritje e prize-pool-it të turnamentit. PUBG Corp gjithashtu do të zbulojë dhe një event Pick ‘Em, me 25% të fitimeve të mbetura që do t’i shpërndahen ekipeve, në varësi të votava që ata marrin në këtë event.
Megjithatë, pas shqetësimeve të ngritura nga ekipet në rrjetet sociale, një lojtar profesionist i PUBG thotë se ky vendim mund të sjellë fundin e PUBG në Amerikën e Veriut për pak kohë. “E vetmja arsye pse organizatat ende ekzistojnë është për shkak të ekspozimit brenda lojës me anë të skin-eve dhe fitimeve nga pjesëmarrja në PUBG Global Championhip. 2020 do të jetë një vit me shumë më pak ekipe ndërkohë që ata zgjidhin situatën,” – tha ai.
Shqetësimet e lojtarëve dhe organizatave janë në rritje pasi disa ekipe janë larguar nga PUBG Esports. Ekipe shumë të mëdha si Cloud9, OpTic, NRG, Team Vitality dhe të tjera që ende janë pjesë e PUBG, kanë shprehur shqetësim rreth të ardhmes së tyre. Më herët këtë javë, Spacestation Gaming gjithashtu konfirmoi se do të largohej nga National PUBG League.
Një analist i PUBG thotë: “Problemi që ngrihet është fakti se PUBG po hedh hapa mbrapa ndërkohë që të gjithë sugjerimet që jepen i shtyjnë ata të ecin përpara. Sinqerisht duket sikur ata duan që PUBG Esports të vdesë, pasi po bëjnë të kundërtën e asaj që duhet të bëjnë për të pasur një arenë të suksesshme esports.“