Lojtarët profesionistë të CS:GO mund të vrasin veten për avantazh

Rregulli aspak i pëlqyer është hequr

Pas disa ditëve mjaft problematike, makthit i ka ardhur fundi. Lojtarët profesionistë të Counter-Strike: Global Offensive mund të vrasin veten në lojë. Një update më herët këtë javë në rregullat e Intel Extreme Masters në bashkëpunim me ESL ishte aq i papëlqyer saqë është hequr menjëherë.

Ky rregull, i cili u implementua në rregullat e IEM Season 14 në 4 nëntor thotë: “Një lojtar nuk mund të vrasë veten me qëllim. Kjo përfshik komandën ‘kill’ ose përdorimin e hartës për t’i hequr vrasje ekipit tjetër (si në Vertigo).”

Ky rregull i ri në CS:GO do të hiqte disa strategji nga loja. Një suicide i jep ekipit tjetër më pak para në raundin e ardhshëm, prandaj është një arsye shumë e fortë për të vrarë veten dhe për t’i dhënë më pak para ekipit tjetër. IEM tha se ky rregull u vendos për të dekurajuar veprime që ndikojnë negativisht kompeticionin bazuar në eksperiencat e fundit dhe mendimin e komunitetit për German ESL National Championship.

Gjithsesi, gjërat janë sërish normale në CS:GO, pasi ky ndryshim ka marrë efekt menjëherë. “Pasi e rishikuam me kujdes, do e kthejmë mbrapsht këtë vendim,” – tha IEM në lajmërim.

“Do të bëjmë diskutime më të thella në lidhje me këtë rregull me Federatën e Lojtarëve Profesionistë të Counter-Strike për t’u siguruar se çdo përpjekje për të përmirësuar eksperiencën e fansave në shtëpi përputhet me mendimin e tyre“.