Lojtarët pro të Fortnite bashkohen për të formuar FNPPA

16 lojtarë janë njoftuar si anëtarë të bordit të Fortnite Professional Players Association

Disa nga lojtarët kryesore pro të Fortnite janë bashkuar dhe kanë krijuar Fortnite Professional Players Association ose FNPPA. Përmes kësaj organizate lojtarët shpresojnë të krijojnë relata më të mira mes pros dhe Epic Games.

FNPPA njoftoi bordin e saj prej 16 anëtarësh, i cili përbëhet nga tetë lojtarë pro nga Amerika e Veriut dhe tetë lojtarë pro nga Europa. Nga 16 lojtarët, kampionët e botës në Fortnite World Cup: Kyle “Bugha” Giersdorf dhe David “Aqua” Wang janë të përfshirë në të.

Deklarata e FNPPA thotë: “FNPPA është bashkim i pavarur i lojëtarëve pro të Fortnite në mbarë botën, që ka si qëllim të na garantojë ne një platformë profesionale për të shprehur opinionet tona mbi të ardhmen kompetitive të Fortnite, duke bërë të mundur një dialog sa më produktiv të mundshëm me zhvilluesit.”

Organizata tha se me kalimin e javëve do të ftojë edhe lojtarë të tjerë pro që ti bashkohen si një mënyrë për të: “reflektuar zërin e të gjithë komunitetit profesionist.”

Mund të kujtoni se edht pro-t e Counter-Strike kanë formuar një organizatë të ngjashme të quajtur Counter-Strike Professional Players’ Association. Për momentin është ende e paqartë nëse lojëtarët pro të Fortnite do të mund të punojnë me Epic në mënyrë aq efektive sa ç’kanë bërë CSPPA me Valve.

E gjithë kjo ka potencialin të jetë një gjë e mirë për lojën përgjithësisht, por për lojtarët e thjeshtë nuk ka për të bërë ndonjë diferencë. Gjithsesi, nëse jeni një lojtar kompetitiv i Fortnite, do të jetë interesante të shihni drejtimin që kjo do i japë lojës.