Lojtarët pro të CS:GO mendojnë se Krieg duhet të bëhet nerf

SG 553, e njohur kryesisht si Krieg, ka parë një rritje në përdorimin e saj në CS:GO, që në fundin e 2018s, kur arma me scope u bë më e lirë. Fillimisht u provua vetëm nga disa pros, si puna e Jonathan “EliGE” Jablonowski dhe Emil “Magisk” Reif.

Tani, sipas statistikave nga CS:GO, Krieg është bërë arma e tretë më e blerë në lojë. Krieg madje është duke kapur ritmin e AK-47 dhe më e bukura është që shumë lojtarë pro mendojnë se Krieg është duke e shkatërruar lojën.

Richard “shox” Papillon, një pro që ka luajtur që në CS 1.6, pyeti Valve se kur do të vinte një nerf për Krieg: “A mund të kthehemi sërish në identietin e CS’ lutem?”, tha shox në Twitter, duke hedhur shenja se ndoshta scope-i i përket lojërave të tjera si Call of Duty përshembull.

Damian “daps” Steele, kapiteni i Cloud 9, u fut në më shumë detaje se shox për problemet që kishte me Krieg:

“Sado që më pëlqen ta përdor SG 553(Krieg), sinqerisht deri në një farë pike është duke e shkatërruar lojën,” tha Daps. “Ajo kushton $50 më shumë se një AK, qëllon më shpejt dhe është më e lehtë për të qëlluar me breshëri. Ose bëjini buff AUG prapë ose bëjini nerf kësaj.”

Robin “ropz” Kool, një nga yjet e mousesports’ gjithashtu ra dakord me këto këndvështrime. Ai tha se Krieg është shumë e fuqishme në duele shënjestre, gjë që e bën të luajë si sniper ndonjëherë.

Lojtarët pro janë ankuar edhe më parë për armët, si puna e AUG. Valve fillimisht e rriti çmimin në $3,300, por kjo nuk ndihmoi në uljen e popullaritetit të saj, mbi të gjitha duke gjykuar se sa e fuqishme ishte ajo. AUG nuk u përdor më pasi Valve reduktoi pak fire rate-in e saj në janar.

Valve mund të provojë të bëjë të njejtën gjë me Krieg, por ndoshta kjo do t’i çojë gjërat si në metan e vjetër, ku pro-të përdornin kryesisht vetëm AK-47, M4A4 dhe AWP.