Blizzard është duke shpërndarë ndëshkimet e tij për lojtarët e World of Warcraft Classic që përdorën një exploit për të bërë farm dungeons dhe raids në mënyrë më efektive. Një bug që vazhdonte të përsëritej po i lejonte lojtarët të bënin exploit sistemin layering të lojës për të bërë respawn bosses brenda distancës, duke i vrarë ata vazhdimisht për më shumë loot.
Blizzard ka njoftuar se e kanë rregulluar ktë bug dhe se janë duke e sjellë update-in në të gjithë botën. Gjithsesi ata gjithashtu deklaruan se çdo lojtar që me vetëdije e abuzon këtë bug do të identifikohej menjëherë dhe do të merrte ndëshkimin përkatës.
Duket se koha për ti dhënë këto ndëshkime ka ardhur me pezullime një mujore, për të cilat lojtarët njoftohen në email. Blizzard gjithashtu i njofton lojtarët se çdo item që kanë marrë përmes exploit-it do t’ju hiqet.
Community Manager Lore ju drejtua forumeve për të shpjeguar se si Blizzard do të vendosë nëse lojtarët duhen ndëshkuar për përfitimin ndaj këtij bug-u apo jo, duke deklaruar se do të marrin në konsideratë nëse lojtarët në fjalë kanë kryer veprime specifike për ta shfrytëzuar këtë exploit apo jo. Gjithsesi sqarohet se nëse lojtarët kanë përfituar nga ky bug në mënyrë jo të qëllimshme, ata nuk do të bëhen ban.
Duhet gjithashtu të shtojmë se Blizzard sjell pasoja për exploite të qëllimshme që janë bërë edhe në të shkuarën, ndaj nëse zbuloni ndonjëherë ndonjë mënyrë për të abuzuar me një bug, kini parasysh që mund t’ju kthehet mbrapsht si bumerang.
Ndërkohë, nëse po pyesnit veten, World of Warcraft Classic vazhdon të ketë të njejtin intensitet mes lojtarëve siç e kishte edhe kur u lançua në fillim. G2 Esports edhe u gjobit madje, sepse po luante Warcraft në vend të LoL.