Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
OG e ka dominuar këtë vit në disa fusha
Viti që po lëmë pas ishte një prej viteve më të mëdha në esports për shumë lojëra, lojtarë dhe arena kompetitive, por duket se një ekip ishte shumë më lartë se të tjerët për sa i përket suksesit financiar, sipas Esports Earnings.
Ekipi i OG në Dota 2 arritën të fitojnë The International e dytë rradhazi, duke u bërë kështu ekipi i parë në histori që fiton dy tituj rradhazi. Ekipi morri pjesën më të madhe të prize pool rekord prej $34 milionë, duke fituar plot $15.6 milionë.
Kur llogarit fitimet e tyre nga TI9 dhe çdo event tjetër ku kanë marrë pjesë gjatë 2019, pesë lojtarët e OG janë në vendin e parë si lojtarët që fituan më shumë nga esports gjatë 2019. Nuk ka një diferencë të madhe midis tyre, por disa turnamente ku nuk morrën pjesë bënë që të kishte një barazim për vendin e parë.
Të gjitha këto totale vijnë nga lista e Esports Earnings:
| Lojtari | Fitimet totale (2019) | Fitimet Totale (Karrierë) |
| Jesse “JerAx” Vainikka | $3,163,536.20 | $6,470,000.02 |
| Sébastien “Ceb” Debs | $3,163,536.20 | $5,489,233.01 |
| Topias “Topson” Taavitsainen | $3,163,536.20 | $5,414,446.17 |
| Johan “N0tail” Sundstein | $3,155,536.20 | $6,890,591.79 |
| Anathan “ana” Pham | $3,146,536.20 | $6,000,411.96 |
JerAx, Ceb dhe Topson luajtën në çdo turnament ku OG morri pjesë, pavarësisht nëse ishte pjesë e Dota Pro Circuit ose jo, gjë e cila bëri që ata të kishin të njëjtin total pas TI9.
N0tail nuk morri pjesë në EPICENTER Major për shkak të problemeve shëndetësore dhe u zëvendësua nga trajneri i ekipit Titouan “Sockshka” Merloz për atë event. Pavarësisht ndërrimit, OG arritën në Top 8 dhe fituan $40,000. N0tail mbetet lojtari më i paguar në historinë e esports me thuajse $6.9 milionë fitime në karrierë.
Ana gjithashtu humbi disa evente pasi u largua për një kohë të gjatë nga ekipi dhe Dota kompetitive pas fitores në TI8.
OG arriti në 5 vendet e para thuajse vetëm falë fitore në TI9, gjë që e bën këtë arritje edhe më impresionuese. Ende nuk dihet se kur OG do të rikthehen të luajnë në mënyrë kompetitive, por lojtarët e kanë fituar një pushim të gjatë pas performancës së tyre.
