Mesa duket një prej hartave është shumë më e pëlqyer se tjetra
Mesa duket një prej hartave është shumë më e pëlqyer se tjetra
Në Call of Duty: Modern Warfare kanë ardhur dy harta të reja. Më saktë, të dyja janë harta të Call of Duty 4 të cilat janë ndryshuar dhe janë rikthyer në Modern Warfare. Si Shipment, ashtu dhe Vacant mund të luhen në lojë, por kjo gjë po i bezdis lojtarët të cilët duan të luajnë një hartë më shumë se tjetrën.
Nëse hidhni një sy nga subreddit i Modern Warfare, do të shihni postime të shumta për lojtarë që duan të futen në Shipment, por përfundojnë në Vacant shumicën e kohës. Duket se lojtarët preferojnë shumë Shipment, një hartë me kontenierë në një dok mallrash e cila mund të luhet në 2v2, 6v6 dhe Gunfight. Megjithatë, shumë lojtarë po përfundojnë duke u futur në lobby për Vacant, një hartë tradicionale multiplayer në një bllok godinash të braktisura pranë një mbikalimi.
Problemi qëndron te fakti se kur ata futen në lobby dhe nuk marrin hartën që duan, ata dalin dhe do të futen sërish derisa të arrijnë hartën që duan. Dhe pse kjo gjë zgjidh problemin për këta lojtarë, ajo ndikon shumë tek lojtarët e tjerë që gjithashtu nuk duan të luajnë në këtë hartë.
Kur lojtarët dalin nga një lobby që është gati të nisë, kjo lobby merr prioritet të lartë nga loja, e cila kërkon të gjejë lojtarë për të mbushur vendin e lirë. Kur shumë lojtarë dalin nga ndeshjet në Vacant, lojtarët e tjerë do të futen në këto lobby dhe shumë lojtarë do të hasin vazhdimisht Vacant.
Kjo krijon një rreth vicioz, duke shkaktuar atë që po flasin tani lojtarët në subreddit. Madje, një lojtar thotë se është futur 24 herë rradhazi në Vacant.
Kjo është diçka deri diku normale për lojërat multiplayer kur ato marrin harta të reja, por gjithsesi mbetet acarues epër lojtarët. Shpresojmë që Infinity Ward të zgjidhë këto probleme javën e ardhshme.