Disa madje thonë se Infernal i bën për të vjellë
Disa madje thonë se Infernal i bën për të vjellë
Patch 9.23 në League of Legends solli me preseason një ndryshim të madh të dragonjve në Summoner’s Rift. Edhe pse ndryshimet në hartë mund të duken bukur, disa lojtarë mendojnë se ato janë shpërqëndruese dhe në disa raste të dhimbshme.
Nëse kërkon “map color” në subreddit-in e League of Legends, mund të shohësh postime të shumta të cilat shprehin ankesat për ndryshimet në Summoner’s Rift, e sidomos për Infernal Drake, i cili djeg disa shkurre në lojë dhe shkrin disa mure. Edhe pse ndryshimet në bazë të lojës janë të mira, lojtarët po kërkojnë një opsion për të hequr ngjyrat shpërqëndruese të dragonjve.
“Luajta disa lojëra në patch-in e ri dhe vura re që ngjyrat e hartës janë shumë shpërqëndruese, sidomos me Infernal Dragon,” – thotë një lojtar në Reddit. “Më duket shumë e lodhshme për sytë. Mendoj se duhet një opsion për ta hequr atë. Besoj se ky ndryshim gjithashtu i bezdis lojtarët daltonikë“.
Ky shqetësim u shpreh dhe nga lojtarë të tjerë, njëri prej të cilëve madje tha se përplasja e ngjyrave midis barit jeshil dhe tokës së kuqe i vriste sytë dhe i jepte dhimbje koke. Ai u detyrua të ndalonte së luajturi sepse nuk ndihej mirë.
Këta lojtarë, së bashku me shumë fansa të tjerë të acaruar, mendojnë se Riot duhet të shtojë një opsion për të hequr ngjyrat e Summoner’s Rift. Riot përdori një sistem të ngjashëm kur Summoner’s Rift dekorohet gjatë eventeve të festave. Edhe pse ky ndryshim do të pëlqehej nga lojtarët, do të ishte një mosvlerësim për punën e zhvilluesëve për muaj të tërë.
Megjithatë, jo të gjitha përshtypjet janë të këqija. Disa lojtarëve iu pëlqen qetësia e terrenit të Ocean Drake, me shiun dhe shkurret e reja që i japin qetësi një mjedisi shumë kompetitiv.
Ka shumë mundësi që ankesat të vijnë nga lojtarët që ende nuk janë mësuar me këto ndryshime. Riot zakonisht kritikohet shumë kur sjell ndryshime të mëdha në lojë, por lojtarët zakonisht mësohen ose detyrohen të pranojnë ndryshimet dhe heqin dorë.
Nuk është e qartë nëse Riot planifikon të shtojë një opsion për të hequr ngjyrat nga harta, por padyshim që kjo do i kënaqte disa lojtarë.