Mund të duhet pak kohë për të zbuluar gjithçka
Mund të duhet pak kohë për të zbuluar gjithçka
Lojtarët e Fortnite po vazhdojnë të gërmojnë nëpër ishull e këtë rradhë kanë zbuluar sekrete të reja nën Dusty Divot.
Një minierë e re është gërmuar thuajse plotësisht sot nga lojtarët e Fortnite në të gjithë botën. Ata e zbuluan atë pak dit pasi një e ngjashme u zbulua në Paradise Palms. Si në rastin e parë, lojtarët që e godisnin copën e dheut në Dusty Divot i ulnin asaj pikët e jetës nga ana e serverit dhe dëmi që ata shkaktojnë shfaqet si ulje e pikëve të jetës së asaj cope për çdo lojtarë tjetër në botë, në çdo lojë që ata luajnë. Çdo copë ka 1 milion pikë jete.
Kur lojtarët përfunduan së gërrmuari zonën në Paradise Palms, ata zbuluan rreth 3 chest-e dhe një Volcano Vent të ri, që u shtuan përfundimisht në atë zonë të ishullit. Në zonën e re të gërmimit në Dusty Divot, lojtarët kanë zbuluar 5 chest-e deri më tani. Duke parë se kanë mbetur edhe rreth 6 copa të tjera që mund të shkatërrohen, do të ketë patjetër diçka të fshehur nën to.
Ende nuk dihet se pse këto zona gërrmimi po shfaqen në ishull. Lojtarët duhet të presin që në ditët në vijim të shfaqen më shumë prej tyre, të cilat me shumë mundësi do të kenë më shumë chest-e, si dhe veprimtari të tjera të vogla që mund të kryhen në atë zonë të hartës, në mënyrë të ngjashme me Volcano Vents. Duke parë se po i afrohemi gjysmës së dytë të sezonit 8, ekziston mundësia që ato të kenë gjithashtu lidhje me eventin e mbylljes së sezonit.
Nëse jeni kuriozë se çfarë po ndodh, merrni kazmat dhe filloni nga puna!