Lojtarët e FIFA 20 po ankohen për eventin FUTmas

SAta thonë se letrat e lojtarëve janë më të shtrenjta se ç’duhet.

EA Sports duket se ka marrë rolin e Ebenezer Scrooge këtë Krishtlindje, pasi publikuesi ka marrë kritika të shumta mbi vlerën e eventit FUTmas në FIFA 20 Ultimate Team.

FUTmas ka qënë një event vjetor që prej FIFA 13 dhe numëron mbrapsht ditët e Krishtlindjes me një kalendar plot me dhurata për Ultimate Team. Çdo vit, karta të reja të përmirësuara zbulohen për lojtarët në FIFA, zakonisht si Squad Building Challenges (SBC), për t’u vendosur në ekipe. Megjithatë, këtë vit shumica e lojtarëve mendojnë se dhuratat e FIFA 20 janë shumë të shtrenjta.

Në veçanti, streamer-i i FIFA Nicholas ‘Nick28T’ Kahwaji ka ngritur zërin duke kritikuar hapur eventin. “Lakmia e EA Sports jo vetëm që ka shkatërruar FUTmas, por edhe FUT,” – thotë ai. “Promovim i turpshëm i cili supozohej t’i jepte diçka mbrapsht komunitetit pas një viti të plotë duke fituar miliarda.”

Nick28T përdori Nabil Fekir të Real Betis si shëmbull, e cila është një letër fantastike me rating 87 me statistika si 88 shot power, 93 dribbling dhe 4 yje në skills. Kjo është një letër e mirë, por ky SBC kushton thuajse 200,000 coins, e cila është një çmenduri duke parë se letra bazë me rating 89 e Antoine Griezmann ka statistika thuajse të njëjeta për vetëm 90,000 coins. Më keq akoma, mesfushori i Betis ka një tjetër letër me rating 86 me statistika thuajse të njëjta, e cila kushton vetëm 25,000 coins dhe ndryshe nga letra e tij FUTmas, mund të shitet në treg.

Shumë të tjerë kanë shprehur pakënaqësinë e tyre me eventin, përfshirë këtu Craig ‘Nepenthez’ Douglas, i cili u shpreh se nuk ishte i sigurt se cila ishte më e dhimbshme, humbja 3-0 e Arsenal ndaj Manchester City apo FIFA 20 FUTmas. Të paktën ai ka streamer-in tjetër Edwin ‘Castro’ Castro për ta mbështetur.

Eventi është ende në fillimet e tij, pasi SBC të reja do të vijnë çdo ditë deri në 24 dhjetor, edhe pse eventi është 5 ditë më i shkurtër se eventi i vitit të kaluar. FIFA 20 do të ketë 24 FUTmas SBC si dhe 6 lojtarë të tjerë bonus të cilët mund të merren nëpërmjet objektivave. Me 30 letra FUTmas në total, duhet të shpresoni që të paktën njëra prej tyre të jetë e mirë.