Lojtarët e Eve Online janë nën sulm dhe duket se këtë herë, fajin nuk e kanë rivalitetet e vazhdueshme të lojës. Mbrëmjen e shkuar lojtarët filluan të raportonin se Drifters (një fraksion NPC i lojës), që shumicën dërrmuese të kohës qëndrojnë pasive, kanë filluar të sulmojnë lojtarët.
Anijet e luftës që kanë Drifters mendohet të jenë më të fuqishme se, praktikisht çdo gjë që lojtarët mund të pilotojnë vetë. Këto anije sulmojnë dhe dëmtojnë lojtarët dhe janë deri diku si një mburojë e pathyeshme.
Si rezultat i këtij fenomeni, lojtarëve ju ka ikur truri, pasi anijet, stacionet e betejës dhe edhe escape pods, që shumica e NPC-ve nuk i shënjestrojnë dot, po shfarosen nga Drifters. NPC po dalin shumë të qëndrueshëm, duke u kthyer nëpër stacione sërish, për të siguruar se shënjestrat e tyre kanë marrë vërtet fund. Kjo gjë po sjell një kaos të madh në ekonominë komplekse të Eve Online.
Sipas një postimi në Reddit, zhvilluesi i lojës nuk dha asnjë paralajmërim për këto sulme. Kjo është kundër protokollit të Eve Online, që normalisht duhet ti njoftojë lojtarët për ndryshime të mëdha që mund të vijnë, duke ju dhënë rrjedhimisht kohë për tu përgatitur. Tani Drifters thjesht kanë ardhur dhe në fjalë popullore, le të themi që kanë bërë gjëmën.
Me shumë gjasa kjo është pjesë e expansion-it Invasion, por kjo gjë nuk është ende e konfirmuar. Për ti bërë gjërat edhe më keq pastaj, ka disa lojtarë që ende po rikuperoheshin nga konfliktet PvP, kur NPC vendosën të godasin. Mbetet të shohim se çfarë do të bëhet për ta zgjidhur këtë problem, por duhet ta pranojmë se ideja e disa klaneve të ndryshme që bashkohen për të mposhtur një rival të madh është shumë e admirueshme.