Lojtarët e CS:GO po përdorin Krieg më shumë se AK47

Krieg meta ka ardhur tashmë

SG 553, e thirrur zakonisht si Krieg, ishte arma e dytë më e blerë në StarSeries i-League, sipas faqes së statistikave të CS:GO Stay in Pit.

Lojtarët e kanë përdorur Krieg më shumë se AK-47, arma e preferuar dhe e cila përdoret nga çdo lojtar profesionist i CS:GO, për herë të parë në një turnament kryesor. Duket se lojtarët profesionistë po përshtaten më shumë me Krieg.

FURIA ishin ekipi që e përdori në mënyrë më efektive Krieg. Brazilianët luajtën me 5 Kriegs disa herë, pasi i gjithë ekipi i tyre kishte mundësi ta përdorte mirë armën. Ata arritën në vend të tretë në turnament dhe ishin shumë afër finales së madhe.

Disa lojtarë profesionistë të CS:GO mendonin se arma duhet të bëhet nerf pasi është shumë e fortë kur arrin të mësosh spray pattern-in e saj. Sipas Nicolai “device” Reedtz, një prej sniper-ave më të mirë në CS:GO, Krieg është mjaftueshëm e mirë për të mposhtur një AWP.

Situata e Krieg është e ngjashme me atë të AUG në maj, e cila ishte gjithashtu arma e dytë më e përdorur. Valve morri masa për AUG meta, pasi arma u bë nerf menjëherë në qershor.

Tashmë, shumica e lojtarëve të CS:GO do të vazhdojnë të përdorin Krieg pavarësisht çmimit të lartë, edhe nëse Valve i rrit çmimin armës. Zhvilluesit mund të vendosin të bëjnë të njëjtën gjë si me AUG duke e ulur pak rate of fire dhe accuracy.

Russel “Twistzz” Van Dulken, një prej lojtarëve më të mirë të CS:GO në botë, dha një alternativë mjaft interesante për nerf, duke i sugjeruar Valve ta kthejë Krieg në një armë semi-automatic.

Valve megjithatë nuk duhet ta bëjë armën të papërdorshme. Nëse Krieg bëhet shumë nerf, meta do të rikthehet aty ku ishte, me të gjithë që do të përdorin AK-47, M4A4 dhe AWP.