Lojtarët e Arma 3 sapo bënë gjënë më fantastike të parë deri tani.
Lojtarët e Arma 3 sapo bënë gjënë më fantastike të parë deri tani.
Area 51 është një emërtim i përdorur për një forcë ajrore Amerikane shumë të klasifikuar në Nevada. Asnjë detaj ose informacion rreth aktivitetit të kryer në këtë zonë nuk dihet nga publiku dhe sigurisht që asnjë person nuk lejohet të hyjë. Personi i fundit që tentoi të hynte u vra në moment nga forcat e sigurisë.
Në momentin që po flasim, shakaja e Facebook për të sulmuar Area 51, bazën ushtarake diskrete në Nevada, që është praktikisht epiqendra e çdo teorie konspirative, ka arritur kulmin e saj. Forcat Ajrore Ushtarake kanë publikuar edhe një paralajmërim zyrtar që të mos tentohet një çmenduri e tillë. Duke qenë se sulmi nuk ka për të ndodhur, një grup lojtarësh të Arma 3 kanë vendosur ta inskenojnë në lojë.
Në inskenim, një skuadër civilësh e armatosur vetëm me SUV dhe eksplozive, duhet të çaktivizonin kullat e radios rreth Area 51 dhe më tej të gjenin pikat e kontrollit të fshehura brenda kupolave gjeodezive të shpërndara nëpër ishull. Një tjetër grup lojtarësh, duhet ti ndalonin.
Rezultati përfundimtar është një video që ja vlen të shihet. Civilët u përballën me një pengesë kur një nga skuadrat aksidentalisht hodhi veten në ajër, duke u përpjekur të çaktivizonin një kullë radioje. Gjithsesi një lojtar ja doli të vidhte një aeroplan lufte nga pala e mbrojtësve.
Nuk po ju bëjmë shumë spoil dhe po ju lëmë ta shikoni vetë më mirë më poshtë, sepse gjërat marrin një rrjedhë vërtetë interesante. Sigurisht që kjo nismë nuk është aq e madhe sa ajo e Facebook dhe lojtarët e Arma nuk shkuan me vrap Narutoje drejt bazës, por mesa dimë ne nuk ka ndonjë mod në Arma që të të bëjë të vraposh si Naruto.
Gjithsesi kjo video me shumë mundësi është gjëja më e përafërt që do të kemi ndonjëherë me një sulm në Area 51, ndaj shijojeni.